Frá og með 1. september n.k. mun Síminn hætta að þjónusta NMT símakerfið.
Kerfi þetta er sennilega eitt besta símakerfi sem komið hefur fram á síðari tímum.
Drægni þess er með ólíkindum og viðhaldsmál með því lægsta sem gerist.
Það er eftirsjá af þessu kerfi.

Síminn sendi frá sér tilkynningu um þessi mál um daginn og hvetur okkur til að huga að 3G kerfinu.
Við þurfum þess ekki hjá BÁ þar sem Tetrakerfið er komið til fullra nota og svo GSM síminn venjulegi.

Helgina 13-15 ágúst lauk vaktasumrinu (þ.e bakvaktir um helgar) hjá BÁ. Sumarið hefur verið nokkuð rólegt hjá slökkviliðinu fyrir utan stórbruna í trésmiðju Selós 9. júní s.l, einnig kom upp eldur í hjólýsi sem stóð upp við iðnaðarhús í Gagnheiði á Selfossi, og náði eldur að læsa sig í húsið sem skemmdist nokkuð. 
 Meðfylgjandi eru nokkrar myndir úr starfi BÁ í sumar.

Á fulltrúaráðsfundi BÁ í síðustu viku varð umræða um húsnæðismál BÁ.
Eftirfarandi var bókað um málið:



 Húsnæðismál BÁ
Formaður kynnti samkomulag innan bæjarstjórnar Árborgar þess efnis að Sveitarfélagið Árborg keypti húsnæði Björgunarmiðstöðvarinnar við Árveg á Selfossi af Íslandsbanka.
Hann greindi frá því að kaup þessi væru háð því að Brunavarnir Árnessýslu og Heilbrigðisstofnun Suðurlands semdu um leigu á húsnæði á grundvelli þeirra samninga sem gerðir voru á sínum tíma við Björgunarmiðstöð Árborgar ehf.
Umræður urðu um málið og fyrri samning.
Fram kom að eftir var að ganga frá samningi milli þeirra aðila sem ætluðu að
vera í húsnæðinu varðandi sameiginleg rekstrarmál. Þessi mál standa þó ekki í vegi fyrir því að gengið verði frá fyrri skuldbindingum BÁ vegna leigusamnings.

Einnig kom fram að einhverjar breytingar verða á leigusvæðum þar sem Björgunarfélag Árborgar mun ekki ætla sér jafn mikið svæði og upphaflegar áætlanir gerðu ráð fyrir.
Afgreiðsla;

Fulltrúaráð BÁ samþykkir að fela formanni og slökkviliðsstjóra að vinna að leigusamningi við Sveitarfélagið Árborg, á húsnæði undir starfsemi BÁ á grundvelli fyrri samnings við Björgunarmiðstöð Árborgar ehf.

Á fyrsta fundi Fulltrúaráðs Brunavarna Árnessýslu fyrir árin 2010 til 2014, þann 14. júlí s.l. var Eyþór Arnalds, fulltrúi Árborgar valin einróma formaður Fulltrúaráðs og stjórmar BÁ.
Eyþór er oddviti bæjarstjórnar Árborgar.
Kjöri annara  stjórnarmanna var frestað til næsta fundar Fulltrúaráðs, þar sem ekki hefur verið valin fulltrúi fyrir Ölfus.

Stórsýningunni Rauði HANINN í Þýskalandi er lokið. Sýningin er ein stærsta sinnar tegundar í heiminum, haldin fimmta hvert ár.   Það sem sýnt er hverju sinni er nánast allt sem viðkemur viðbragðs- og björgunaraðilum.
Sýningin var að þessu sinni í Leipzig í Þýskalandi frá 7-12. júní s.l.
Fjölmargir einstaklingar frá Íslandi sóttu síninguna heim, þar á meðal fimm slökkviliðsmenn frá Brunavörnum Árnessýslu.
Þeir fóru á vegum Landssambands slökkviliðsmanna, voru þeir ánægðir með það sem fyrir augu bar og komu heim með fjölda upplýsinga um stöðu mála úr slökkvigeiranum í dag.

Þeir sem áhuga hafa að skoða þetta frekar geta farið inná heimasíðu sýningarinnar     http://www.interschutz.de/homepage_e
eða skoðað heimasíðu Eldvarnamiðstöðvarinnar    www.olafurgislason.is