Slökkvistöð

Bílar og tæki

Nám slökkviliðsmanna

Kristján Einarsson fimmtudagurinn 26. janúar 2012

Bruninn í Eden, stærsti bruni ársins 2011

Eden alelda
Eden alelda
« 1 af 10 »
Brunatæknifélag Íslands (http://bti.is/) er félagsskapur tæknimanna og annarra sem koma að byggingum í landinu, hélt s.l. miðvikudag einn morgunverðarfund sinn í fundarsal Hóltel Loftleiða þar sem aðal umræðuefnið voru brunar á Íslandi árið 2011.
Yfirverkfræðingur Mannvirkjastofnunnar , Guðmundur Gunnarsson, fór í upphafi fundar yfir heldstu bruna og sýndi fundarmönnum, sem voru fjölmargir, allmargar glærur þar sem ýmsir áhugaverðir útreikningar komu fram.
Okkar maður, Pétur Pétursson, varaslökkviliðsstjóri BÁ, fór síðan yfir stærsta bruna ársins 2011, brunann í Eden í Hveragerði. Bæði Félag slökkviliðsstjóra (FSÍ) og síðan Brunatæknifélagið hafa ár hvert beðið þá sem lenda í þeim leiða dansi að fá yfir sig stórann bruna, að fara yfir það sem gert var og það sem ekki var gert. Tilgangurinn er að læra af áfallinu og einnig að skoða frekar það sem vel var gert.
Erindi Péturs þótti áhugavert og vel fram sett.
Þar kom m.a. fram að Eden í Hveragerði brann til kaldar kola á aðeins 17 mínútum.
Gríðarlegur eldsmatur var í húsinu sem aðallega samanstóð af plastefnum og timbri.
Hitinn af eldinum var svo mikill að bílar slökkviliðsins skemmdust töluvert áður en tókst að koma þeim lengra frá eldinum.
Algert logn var þegar húsið brann sem gerði það að verkum að ekki þurfti að rýma hús í bænum.
Reykmökkurinn steig 2,5 km. upp til himins.
Kristján Einarsson
Kristján Einarsson sunnudagurinn 1. janúar 2012

Óskum öllum Sunnlendingum sem og landsmönnum öllum Gleðilegs nýs árs og þökkum fyrir það gamla.

Jólakveðja frá BÁ
Jólakveðja frá BÁ
Kristján Einarsson
Kristján Einarsson þriðjudagurinn 8. nóvember 2011

Góð heimsókn á slökkvistöðina

Hér er kappinn Birkir Hrafn Eyþórsson að munda slökkvitækið með Snorra slökkviliðsmanni.
Hér er kappinn Birkir Hrafn Eyþórsson að munda slökkvitækið með Snorra slökkviliðsmanni.
« 1 af 3 »
Við fengum góða heimsókn á slökkvistöðina fyrir helgi. Hópur barna á 4-5 ára aldri komu til að kynnast starfi okkar hér á stöðinni. Með í för voru umsjónamenn þeirra á leikskólanum Jötunheimar á Selfossi. Börnin fengu stutt fræðsluerindi, síðan voru slökkvibílar skoðaðir. Eftir það tóku sjúkraflutningsmenn og lögreglan við þeim og fræddi þau um þeirra störf og sýndu þeim tæki og tól.
Þegar þessum fræðslukafla var lokið fór Snorri Baldursson, slökkviliðsmaður með meiru, með þeim út á hlað og sýndi þeim slökkvimátt slökkvitækja. Nokkur hópur barnanna fengu að reyna sig við að slökkva eld í potti. Tókst það í öllum tilfellum vel.
Meðal þeirra barna sem fengu að slökkva með slökkvitæki voru hressir tvíburar Vignir og Hjörvar, þeim brást ekki bogalistinn og slökktu með stæl.
Við fréttum það svo daginn eftir að þeir félagar hefðu farið fram í forstofu heima hjá afa og ömmu og ætluðu að grípa slökkvitækið þar og sýna gamla settinu hvernig á að munda tækið.
Afi er núna búin að setja hengilás takkann á slökkvitækinu.
Þar verður lásinn þar til drengirnir hafa róast varðandi slökkviliðsmálin.
Kristján Einarsson
Kristján Einarsson mánudagurinn 10. október 2011

Vatnsúðakerfið í slökkvistöðinni

F.h. Snorri Baldursson, eldvarnaeftirlitsmaður, Helgi pípulagningamaður, Jóhann Ágústsson, eftirlitsmaður byggingar, Gestur Þráinsson byggingameistari og Ástvaldur Eiríksson.
F.h. Snorri Baldursson, eldvarnaeftirlitsmaður, Helgi pípulagningamaður, Jóhann Ágústsson, eftirlitsmaður byggingar, Gestur Þráinsson byggingameistari og Ástvaldur Eiríksson.
Einn helsti tæknimaður landsins í meðförum á vatnsúðakerfum kom á dögunum í slökkvistöðina nýju á Selfossi til að taka út vatnsúðakerfið sem í henni er. Þessi maður heitir Ástvaldur Eiríksson og starfar hann í dag eingöngu við úttektil sem þessar.
kerfið sem er uppsett í stöðinni er svokallað "Misturkerfi" en það er nokuð frábrugðið þeim kerfum sem betur eru þekkt hér á landi. Misturkerfi vinnur við töluverðan þrýsting og dreyfir nánast þoku yfir brunasvæði þar sem hausar kerfisins brjóta dropann gríðalega mikið. Öflugur dælubúnaður sér um að halda uppi þrýstingi og er hann síðan varðaður af rafstöð sem fer í gang ef rafmagn fer af húsinu. 
Öll vatnsúðakerfi sem uppsett eru í landinu út frá kröfu um úppsetningu þeirra þurfa að fá árlega skoðun.
Sú skoðun sem er í gangi í slökkvistöðinni núna lítur að því að gefa kerfinu stimpil þar sem kerfið skoðast hæft til þeirra verka sem til þess er ætlast.
Kristján Einarsson
Kristján Einarsson mánudagurinn 10. október 2011

Leikskólaheimsókn

Börn frá Hulduheimum í heimsókn á slökkvistöðina
Börn frá Hulduheimum í heimsókn á slökkvistöðina
« 1 af 2 »
Alltaf er gaman þegar unga fólkið hemur í heimsókn á slökkvistöðina.
Um daginn komu börn frá leikskólanum Hulduheimum á Selfossi.
Með hópnum kom Inga Birna Pálsdóttir, leikskólakennari og hitti hópurinn fyrir Viðar Arason, slökkviliðs- og sjúkraflutningsmann, sem sýndi þeim búnað og bíla.  Þessi tvö skötuhjú eru reyndar hjón, giftu sig í sumar. S.s. þarna komu þau saman út frá sitthvorum vinnustaðnum og sameinuðu krafta sína við að upplýsa fólk framtíðarinnar um mikilvægi neyðarþjónustunnar.
Kristján Einarsson
Fyrri síða
1
234567…383940Næsta síða
Síða 1 af 40
Eldri færslur

Myndir

Forvarnir

Innranet

Debug window