S.l. þriðjudagskvöld, 28.6.2011 fluttu slökkviliðsmenn BÁ bíla liðsins og slökkvigalla úr gömlu slökkvistöðinni við Austurveg 52 á Selfossi, yfir í nýja slökkvistöð við Árveg 1 Selfossi.
Fyrir höfðu slökkviliðsmenn unnið að flutningi á búnaði liðsins og skrifstofum.
Athöfnin var framkvæmd með smá uppákomu sem fólst í því að aka um Selfossbæ og þeyta sírennur og flagga þjóðfánanum, slökkviliðsmenn úr Árnessýslu óku bílunum.
Nýja stöðin stendur við Ölfusá, á suður bakka hennar. Næstu nágrannar eru lögreglan og Sjúkrahús Suðurlands.
Björgunarmiðstöðin á Selfossi heitir húsið sem hýsir slökkviliðið ásamt björgunarsveitarmönnum og sjúkraflutningsmönnum.
Sveitarfélagið Árborg á húsið.
Með þessum tímamótum líkur átta ára bið eftir nýrri slökkvistöð á Selfossi, slökkviliðsmenn hafa sýnt ótrúlega biðlund þau ár sem ferlið hefur tekið.
Biðin er þess virði því húsið er hið glæsilegasta og rúmar menn og tæki mjög vel.
Nýja stöðin á Selfossi verður höfuð stöð liðsins. Brunavarnir Árnessýslu reka einnig stöðvar víða í sýslunni, stöðvar eru á Stokkseyri-Þorlákshöfn-Hveragerði-Laugarvatni-Reykholti og í Árnesi.
Slökkviliðsmenn eru u.þ.b. 100 talsins.
Brunavarnir Árnessýslu hafa fengið nýtt símanúmer sem er: 4-800-900
Netfang: ba@babubabu.is.
Myndir með fréttinni tók Magnús Hlynur og Kei.
Slökkviliðsmenn BÁ eru nú u.þ.b. 100 talsins í sjö einingum (slökkvistöðvum) um alla sýslu, en þær eru á Selfossi, Stokkseyri, Þorlákshöfn, Hveragerði, Laugarvatni, Reykholti og í Árnesi.
Slökkviliðið er mjög vel tækjum búið, t.d. eru nýir bílar á öllum stöðvunum nema á Stokkseyri.
Allir bílarnir eru keyptir hjá Eldvarnamiðstöðinni og eru af Renault gerð nema nýi bíllinn í Hveragerði sem er af Man gerð.
VIÐ BJÓÐUM SLÖKKVILIÐSMENN Í HVERAGERÐI VELKOMNA TIL SAMSTARFS.
