1 af 4

Í gær var eldvarnaeftirlitsmaður frá brunavörnum Árnessýslu á leið úr eldvarnaskoðun í uppsveitum Árnessýslu þegar hann ók fram á mikið magn af málningu sem farið  hafði niður á veginn fyrir ofan Þrastalund í Þrastarskógi.  

Við nánari skoðun kom í ljós að fjórar fötur með samtals 40 lítrum af málningu höfðu farið af bíll sem átti þarna leið um og vegurinn því orðin hvítur og fjólublár á nokkuð stórum kafla. Margir bílar höfðu ekið í málninguna og dreift henni um nokkuð langan vegkafla.  

Slökkviliðsmenn ásamt tækjabúnaði frá Selfosseiningu Brunavarna Árnessýslu var sendur á vettvang til þess að hreinsa veginn en ekki er ólíklegt að talsverða málningu sé að finna á þeim bifreiðum sem keyrðu yfir flekkinn fyrir hreinsun. Hreinsunarstarfið tók um tvær klukkustundir og urðu nokkrar tafir á umferð meðan á því stóð.

Vefumsjón