laugardagurinn 18. október 2008

Talsvert tjón í eldsvoða

Eldur kviknaði í hjólhýsi sem stóð við einbýlishús við Baugsstaði, sem er rétt austan við Stokkseyri, með þeim afleiðingum að eldurinn náði að læsa sig í þakskegginu um kl. 19 á fimmtudagskvöldið. Talsvert tjón varð á húsinu vegna eldsins. Fólk sem var inni í húsinu varð vart við eldinn en náði að komast út af sjálfsdáðum.

 

Eldurinn smitaðist meðfram þakinu og mikil reykur fór inn í húsið segir lögreglan á Selfossi. Þá er hjólhýsið ónýtt.

Eldsupptök eru ókunn og segir lögregla málið vera í rannsókn.

 

Talsverður viðbúnaður var vegna brunans og tók slökkvistarfið töluverðan tíma, m.a. vegna þess að slökkviliðsmenn rufu gat á þakið til að slökkva í glæðum sem þar loguðu.

 

heimild: mbl.is

Vefumsjón