Í gær var undirritaður kaupsamningur milli Brunavarna Árnessýslu og Búðarfélags Gnúpverja um kaup Brunavarna á nýrri slökkvistöð sem rísa á við Tvísteinabraut 2 í Árnesi. 

Um er að ræða tæplega 500 fermetra iðnaðarhús og er hluti Brunavarna 123 fermetrar auk 48 fermetra millilofts. Slökkvistöðin afhendist fullbúin fyrir þá starfsemi Brunavarna sem fyrirhuguð er í Árnesi, aðstaða fyrir tvær bifreiðar, rekstrartengd tæki og starfsmannaðastaða. 

Húsið er stálgrindarhús á steyptum sökklum, klætt með samlokueiningum. Fyrirtækið Landstólpi mun steypa sökklana og reisa húsið en Búnaðarfélagið mun sjá um að fullklára húsið til afhendingar. Gert er ráð fyrir að húsið verði afhent fullbúið til Slökkviliðsin þann 15.maí 2017. 

Það er ljóst að ný og fullkomin slökkvistöð verður mikil lyftistöng fyrir starfsemi Brunavarna Árnessýslu á svæðinu og mun án efa stuðla að auknu öryggi bæði íbúa og vegfarenda í þessum hluta uppsveita Árnessýslu. 

 Meðfylgjandi mynd var tekin við undirritun kaupsamningsins í gær.

Vefumsjón