miðvikudagurinn 17. september 2008

Vatnavextir

Hér er heilmikið af vatni !!!
Hér er heilmikið af vatni !!!
 Það er vöxtur í fleiru en lánum af peningum þessa daga.

Leifar af storminum stóra sem geisað hefur í Ameríku létu til sín taka  s.l. nótt. (17.9.2008)

Rigningin var mikil og hafði þær afleiðingar að kjallari í nýrri íbúðarblokk á Selfossi stóð með 30 sm. djúpu vatni þegar að var gáð í morgun.

Slökkviliðið fór á staðinn með sinn öflugasta bíl og aðstoðuðu húseigendur við dælingu úr kjallaranum.   Tvær dælur eru fyrir í kjallaranum til að vinna á jarðvatninu en þær voru eitthvað lasnar og því fór sem fór. Allt fór þó vel að lokum og vatnavextir voru lækkaðir verulega.

Látum slökkviliðið í peningavextina líka  !!!

þriðjudagurinn 16. september 2008

Eldur í einbýlishúsi að Laugarvatni

Slökkvibíll BÁ Laugarvatni
Slökkvibíll BÁ Laugarvatni
 Um kl. 12.40 í dag (16.9.2008) kom tilkynning um eld í einbýlishúsi á Laugarvatni.

Slökkvilið BÁ á Laugarvatni kom fljótlega á eldstað,  kallað var á aðstoð frá Reykholti og Selfossi.

Fljótlega tókst að ráða niðurlögum eldsins en húsið er mikið skemmt.
Engin slys urðu á fólki.

Húsráðandi hafði brugðið sér af bæ í 30 mín og kom að húsinu alelda í eldhúsi og nærliggjandi rýmum.

Rannsókn beinist að tækjum í eldhúsi varðandi eldsupptök.
Tveir dælubílar komu á staðinn, frá Laugarvatni og Reykholti, að auki fór vatnsbíll og mannskapsbíll frá Selfossi af stað en var snúið við þar sem fljótlega tókst að vinna á eldinum.

U.þ.b. 15 slökkviliðsmenn unnu að slökkvistarfi.

þriðjudagurinn 16. september 2008

Brunamálaskólinn á Suðurlandi

Úr myndasafni BR
Úr myndasafni BR
 Brunamálaskólinn hélt námskeið í Þorlákshöfn um síðustu helgi  (12.-14. 09.2008)   fyrir slökkviliðsmenn á Suðurlandi.

Námskeiðið er annað af fimm námskeiðum sem slökkviliðsmenn þurfa að sækja til að öðlast full réttindi.  
Þrír slökkviliðsmenn frá BÁ sóttu námskeiðið, þeir Birgir Júlíus Sigursteinsson, Guðmundur Rúnar Jónsson og Jóhann Thorlakur M. Sigurðsson

Um er að ræða 30 kennslustunda námskeið, að því loknu skal nemandi m.a. vera hæfur til reykköfunar, hafa þekkingu á þróun innanhússbruna og yfirtendrun.

miðvikudagurinn 10. september 2008

Íslandsmót slökkviliðs- og sjúkraflutningamanna

Brunavarnir Suðurnesja
Brunavarnir Suðurnesja

Deild LSS hjá Brunavörnum Suðurnesja í samstarfi við Félag starfsmanna Brunavarna Suðurnesja  halda Íslandsmót í knattspyrnu þann  25. október. Einnig er ætlunin að vera með keppni í; lyftingum, hreysti (þrautaþraut), sjómann og þríþraut (hlaupa, hjóla og synda). Mótið er eingöngu fyrir þá sem eru félagar í LSS og er tilvalin upphitun fyrir  Heimsleikana á næsta ári.


Meira
sunnudagurinn 7. september 2008

Pyslupartý á slökkvistöðinni

KAllarnir að grilla
KAllarnir að grilla
1 af 9

Pulsupartý var hjá slökkviliði B Á um síðustu helgi en þá var liðsmönnum og fjölskyldum þeirra boðið í pylsuveislu á slökkvistöðinni, enda tilefnið ærið þar sem nýji mannskaps-bíllinn, Tvisturinn (Bíll 2) , er kominn til landsins og í hús hjá BÁ.


Meira
Vefumsjón