Elísabet Pálmadóttir, Sviðsstjóri Slökkviliðasviðs Brunamálastofnunar, hefur beðist undan því að sinna starfi Skólastjóra Brunamálaskólans. Þessi ósk hennar hefur legið fyrir í nokkurn tíma og mun Björn Karlsson, brunamálastjóri, sinna skyldum skólastjóra þar til Skólaráð ákveður annað. Honum til aðstoðar verða Bernhard Jóhannesson og Pétur Valdimarsson.
Slökkvistarfi er lokið í Haukadal þar sem slökkviliðsmenn börðust við elda sem loguðu í sumarbústað skammt frá Geysi. Að sögn lögreglunnar á Selfossi er húsið gjörónýtt. Það var hins vegar mannlaust og ekkert fólk var í hættu segir lögregla.
Á morgun koma gestir til Brunavarna Árnessýslu, eru þar á ferðinni slökkviliðsmenn og eiginkonur þeirra.
Allt tiltækt lið slökkviliðs Brunavarna Árnessýslu var kallað út um klukkan 15:30 í dag. Tilkynnt hafði verið um lausan eld í íbúðarhúsi við Austurbyggð í Laugarási. Sendir voru af stað dælubílar frá Selfossi og frá Reykholti en fljótlega var ljóst að ekki var um mikinn eld að ræða og því var dælubíl frá Laugarvatni og tankbíl frá Selfossi snúið við.
