1 af 2

Eldur kom upp í ruslatunnu við Ráðhús Ölfus rétt fyrir klukkan eitt í dag. Ruslatunnan stóð upp við bygginguna rétt fyrir neðan glugga þannig að talsverð hætta var á að eldur næði að læsa sér í húsið ef til þess kæmi að glerið springi vegna hita. 

Slökkviliðsmenn Brunavarna Árnessýslu í Þorlákshöfn brugðust við útkallinu og slökktu eldinn en áður höfðu starfsmenn sveitarfélagsins og vegfarandi slegið verulega á eldinn með fimm slökkvitækjum. 

Einhver reykur komst þó inn í bygginguna sem slökkviliðsmenn ræstu með reykblásurum slökkviliðsins. 

Talið er að kviknað hafi í af mannavöldum en Lögreglan á Suðurlandi sér um rannsókn málsins.

1 af 2

Eldur kom upp í ruslatunnu við Ráðhús Ölfus rétt fyrir klukkan eitt í dag. Ruslatunnan stóð upp við bygginguna rétt fyrir neðan glugga þannig að talsverð hætta var á að eldur næði að læsa sér í húsið ef til þess kæmi að glerið springi vegna hita. 

Slökkviliðsmenn Brunavarna Árnessýslu í Þorlákshöfn brugðust við útkallinu og slökktu eldinn en áður höfðu starfsmenn sveitarfélagsins og vegfarandi slegið verulega á eldinn með fimm slökkvitækjum. 

Einhver reykur komst þó inn í bygginguna sem slökkviliðsmenn ræstu með reykblásurum slökkviliðsins. 

Talið er að kviknað hafi í af mannavöldum en Lögreglan á Suðurlandi sér um rannsókn málsins.

Pétur Pétursson mánudagurinn 7. janúar 2019

Bílvelta í Þrengslum í morgun 7.1.2018

Brunavarnir Árnessýslu fengu tilkynningu um bílveltu í Þrengslunum í morgun um klukkan hálf átta en mikil hálka var þá á þeim slóðum. 

Umfang slyssins var ekki að öllu leiti ljóst þar sem innhringjandi stoppaði ekki á vettvangi. 

Slökkviliðsmenn Brunavarna Árnessýslu frá Þorlákshöfn fóru á vettvang með klippibúnað auk þess sem ákveðin hópur dagvinnumanna frá slökkvistöðinni á Selfossi lögðu af stað. Auk þessa fóru tæki frá lögreglunni á Suðurlandi og tveir sjúkrabílar frá Heilbrigðisstofnun Suðurlands á vettvang. 

Einn maður reyndist hafa verið í bifreiðinni og hafði hann ekki hlotið teljandi meiðsl. Ekki þurfti að beita klippum til þess að ná honum út. 

Við viljum nota tækifærið og brýna fyrir vegfarendum mikilvægi þess að fólk stoppi og kanni málin komi það fyrst að slysavettvangi. 

Það er mjög skiljanlegt að fólk geti óttast það sem fyrir augu ber og geti mögulega efast um getu sína til þess að veita hjálp en allir geta alltaf gert eitthvað. Þó ekki sé nema að gefa greinagóða lýsingu til Neyðarlínu 112, svo hægt sé að boða rétt viðbragð í slysið. Stundum þurfa ótrúlega margar hendur að koma að einu slysi og stundum þarf mjög lítið viðbragð. Þurfi lítið viðbragð þá eru ekki eins mörg tæki send út í umferðina á forgangsakstri. Þó forgangsaksturstækjunum sé stjórnað af þrautþjálfuðum og reyndum bílstjórum getur slíkur akstur alltaf skapað ákveðna hættu sem við viljum gjarnan forðast eins og hægt er.

Pétur Pétursson miðvikudagurinn 19. desember 2018

Höfðingleg gjöf frá Ísmar 19.12.2018

1 af 2

Fyrirtækið ísmar sem sérhæfir sig í alskyns tæknibúnaði færði nýrri aðgerðastjórnstöð Almannavarna og viðbragðsaðila á Suðurlandi tvær Tetra talstöðvar að gjöf í dag. 

Vinna við uppsetningu stjórnstöðvarinnar er í fullum gangi en nokkuð á þó eftir að afla af búnaði til þess að hún nái fullri virkni. Stjórnstöðin er hins vegar virk og komin í notkun þegar á þarf að halda. 

Á meðfylgjandi mynd má sjá hvar Kjartan Þráinsson tæknilegur söluráðgjafi hjá Ísmar, afhendir Pétri Péturssyni slökkviliðsstjóra Brunavarna Árnessýslu talstöðvarnar sem án nokkurs vafa eiga eftir að koma að góðum notum við stjórnun aðgerða.

Harður árekstur tveggja bifreiða varða á Suðurlandsvegi í gær milli Biskupstungnabrautar og hringtorgsins við Toyota á Selfossi rétt fyrir klukkan fjögur í gær. 

Ökumenn voru einir í hvorri bifreið og þurftu slökkviliðsmenn Brunavarna Árnessýslu að beita klippum til þess að ná  þeim úr bifreiðunum. 

Báðir aðilar voru fluttir með sjúkrabifreiðum HSU á Landspítalann til frekari skoðunar og aðhlynningar.

Vefumsjón