1 af 4

Við urðum þeirrar ánægju aðnjótandi að fá í heimsókn til okkar fyrrum lögreglumenn af Suðurlandi sem hættir eru störfum vegna aldurs. Voru þeir á yfirreið um Suðurlandið að kynna sér hin ýmsu málefni. Þá langaði til þess að kynna sér starfsemi Brunavarna Árnessýslu. það var okkur sönn ánægja að taka á móti þessum flotta hópi. 

Við þökkum fyrir skemmtilega heimsókn!!

Pétur Pétursson þriðjudagurinn 27. nóvember 2018

Þeir kláruðu með sóma

Jæja, síðasta fréttin okkar í bili um slökkviliðsmennina okkar sem eru í stóra slökkviliðsnáminu. Síðastliðin föstudag 23.11.2018 komu prófdómarar frá Mannvirkjastofnun, þeir Pétur Valdimarsson og Guðmundur Halldórsson, til þess að halda verklegt próf fyrir strákana okkar. 

Það er skemmst frá því að segja að þeir kláruðu prófið með sóma og stóðust allir eins og við var búist. 

Þar með lýkur þessari lotu hjá þeim í náminu og er þá einungis ein fjögurra vikna lota eftir sem haldin verður í vor.

1 af 2

Nemarnir okkar hjá BÁ eru í dag að undirbúa sig fyrir verklegt próf sem fer fram á morgun. Munu prófdómarar frá Mannvirkjastofnun mæta á svæðið og taka út þá verkþætti sem þeir verða prófaðir í. Á meðfylgjandi myndum má sjá þá félaga undirbúa sig og æfa fyrir tímatöku í að koma sér í eldgalla og setja á sig reykköfunartæki. Gallarnir og tækin verða að vera þannig á sett að það sé óaðfinnanlegt með tilliti til þess að líf þeirra og heilsa sé varin við þær ómögulegu aðstæður sem þeir vinna við í brennandi byggingum.

Slökkviliðsmenn Brunavarna Árnessýslu í uppsveitum komu saman í gærkvöldi til þess að skerpa á og við halda kunnáttu sinni. Að þessu sinni æfðu þeir hurðarrofstækni (að brjótast inn á hraðan og öruggan hátt), notkun innfrarauðra myndavéla (hitamyndavéla) við leit og björgun í reykköfun og umhirðu reykköfunartækja. 

Vel var mætt á æfingunna og vilji manna til fagmennsku greinilega mikill.

Pétur Pétursson mánudagurinn 19. nóvember 2018

Flottir kallar í námi

1 af 3

Þessir flottu slökkviliðsmenn Brunavarna Árnessýslu eru um þessar mundir í námi Brunamálaskóla Mannvirkjastofnunar fyrir slökkviliðsmenn í fullu starfi. Náminu er skipt upp í nám fyrir hlutastarfandi slökkviliðsmenn og svo fyrir slökkviliðsmenn í fullu starfi en það er talsvert lengra en hið fyrrnefnda. Allir eru þeir búnir að klára nám fyrir hlutastarfandi menn en þá þyrsti í meiri fróðleik og þjálfun til þess að mæta enn betur þeim krefjandi aðstæðum sem oft á tíðum skapast í störfum slökkviliðsmanna. 

Námið fer að mestu leiti fram í Reykjavík hjá Slökkviliði höfuðborgarsvæðisins en núna eru nemendur í nokkra daga í kennslu hjá sínum heimaliðum. 

Á meðfylgjandi myndum má sjá slökkviliðsmennina með leiðbeinendum fara yfir hlutverk, skipulag og búnað stjórnanda reykkafara og búnað reykkafara.

Vefumsjón