Haukur Grönli sunnudagurinn 15. júlí 2018

Reykskynjarar bjarga mannslífum.

1 af 4

Brunavarnir Árnessýslu voru kallaðar út í nótt vegna elds í sumarbústað ásamt lögreglunni á Suðurlandi og sjúkraflutningum HSU.

Útkallið kom rétt fyrir fimm í morgun. Í bústaðnum voru fjórar manneskjur sem vöknuðu við reykskynjara og komust þess vegna út þrátt fyrir mikinn reyk og hita.

Sjúkraflutningar HSU á suðurlandi fluttu öll fjögur á sjúkrahús vegna gruns um reykeitrun.

Þegar útallið barst var slökkvistöð Brunavarna Árnessýslu í Hveragerði að vinna í heitavatnsleka og var slökkvistöð Brunavarna á Selfossi því kölluð í brunann. Vel gekk að slökkva eldinn þegar komið var á vettvang þrátt fyrir mikinn eld.  Rannsókn á eldsupptökum er í höndum lögreglu.

Það er okkur ljóst og það verður aldrei of oft sagt að reykskynjarar og slökkvitæki geta bjargað mannslífum.

Haukur Grönli föstudagurinn 13. júlí 2018

Hvernig á að bregðast við

Hvernig á að bregðast við ef við lendum í þeim skelfilegu aðstæðum að það kviknar í manneskju?  

Eldvarnarteppi og eða slökkvitæki eru þau verkfæri sem við getum gripið til en rétt tækni og eigið öryggi er mikilvægt og því þarf að æfa notkun þeirra.

Við þreytumst seint á að segja frá hversu gott samstarfið er hjá viðbragsaðilum á suðurlandi og í vikunni komu lögreglumenn af suðurlandi til okkar og æfðu rétt viðbrögð. Er þetta liður í því góða samstarfi þar sem við miðlum og sækjum þekkingu hver hjá öðrum.

 

Haukur Grönli mánudagurinn 4. júní 2018

grodureldar.is

Netsíðan https://www.grodureldar.is/  var formlega opnuð 24.maí sl. í húsnæði Skógræktar Reykjavíkur við Elliðavatn.

Við hjá Brunavörnum Árnessýslu erum stolt og ánægð með að hafa komið að þessari vinnu frá upphafi.

Stýrihópurinn sem kom að þessari vinnu gerði greinagerð er lítur að forvörnum og viðbrögðum vegna gróður og skógarelda. Auk þess var gefinn út bæklingur og veggspjald með leiðbeiningum um forvarnir og fyrstu viðbrögð fyrir sumarhúsaeigendur og skógareigendur.

Allt þetta efni er hægt að nálgast á síðunni https://www.grodureldar.is/ .  Ásamt því að þar verður í framtíðinni enn meira ítarefni  og leiðbeiningar.

Þátttakendur í stýrihópnum voru frá Skógræktinni, Skógræktarfélagi Íslands (fulltrúi skógræktarfélaganna), Landssamtökum skógareigenda, Mannvirkjastofnun, Félags slökkviliðsstjóra/Brunavörnum Árnessýslu, Landssambandi sumarhúsaeigenda og Verkfræðistofunni Verkís.

Árekstur tveggja bíla varð á Eyravegi á Selfossi á ellefta tímanum í morgun. Áreksturinn var nokkuð harður og þurftu slökkviliðsmenn Brunavarna Árnessýslu að beita klippum til þess að ná ökumönnum beggja bílanna út á öruggan hátt. Báðir ökumenn voru síðan fluttir á Heilbrigðisstofnun Suðurlands til frekari aðhlynningar og skoðunar. 

Pétur Pétursson mánudagurinn 14. maí 2018

Að slökkva í fólki!

Brunavarnir Árnessýslu hafa um árabil boðið uppá námskeið í meðförum og notkun slökkvitækja og tengdum búnaði. Nýjasta verkfærið okkar í kennslu á þessu sviði er dúkka þar sem fólk getur æft á öruggan hátt hvernig ber að athafna sig við það að slökkva í manneskju en þær aðstæður hafa og geta því miður skapast. 

Á meðfylgjandi myndum má sjá hvar Bjarni Ingimarsson, slökkviliðsmaður og einn af leiðbeinendum BÁ æfir sig í kennslu.  

Vefumsjón