Pétur Pétursson miðvikudagurinn 9. janúar 2019

Bílvelta á Hellisheiði 9.1.2019

Vöruflutningabifreið á leið til austurs valt á Hellisheiði rétt fyrir klukkan tvö í dag. Viðbragðsaðilar frá Sjúkraflutningum Heilbrigðisstofnunar Suðurlands, Lögreglunni á Suðurlandi og Brunavörnum Árnessýslu voru kallaðir á vettvang. 

Ekki þurfti að beita klippum til þess að ná ökumanninum út úr bifreiðinni og var hann fluttur með sjúkraflutningabifreið á Heilbrigðisstofnun Suðurlands. 

Engin olíuleki var frá bifreiðinni og þurfti því ekki að fara í upphreinsun á vettvangi. 

Slæmt skyggni er á Hellisheiði, þoka, slagveðurs rigning og rok. Af þeim sökum var ákveðið að bifreiðin yrði ekki flutt af staðnum fyrr en skyggni verður betra og eru ökumenn beðnir að sýna aðgát er ekið er fram hjá vettvangnum.

Milli jóla og nýárs udirrituðu Björn Karlsson forstjóri Mannvirkjastofnunnar og Pétur Pétursson slökkviliðsstjóri Brunavarna Árnessýslu samning um að Brunavarir Árnessýslu taki að sér gerð námsefnis og umsjón með námi eldvarnaeftirlitsmanna á Íslandi á árinu 2019. 

Er þetta liður í þeirri stefnu Mannvirkjastofnunnar að útvista ákveðnum verkefnum sem stofnunin hefur á sínum höndum og mun stofnuninn í framhaldi sinna eftirlitsskyldu sinni í enn ríkari mæli hvað þetta varðar. 

Stofnaður verður verkefnahópur undir stjórn Brunavarna Árnessýslu, í kringum vinnuna sem framkvæma þarf  við þarfagreiningu, skipulagningu og  framkvæmd við uppfærslu námsefnis eldvarnaeftirlitsmanna. 

Á meðfylgjandi mynd má sjá Pétur Pétursson slökkviliðsstjóra BÁ, Björn Karlsson forstjóra MVS og Davíð Snorrason fagstjóri eldvarna MVS.

1 af 2

Eldur kom upp í ruslatunnu við Ráðhús Ölfus rétt fyrir klukkan eitt í dag. Ruslatunnan stóð upp við bygginguna rétt fyrir neðan glugga þannig að talsverð hætta var á að eldur næði að læsa sér í húsið ef til þess kæmi að glerið springi vegna hita. 

Slökkviliðsmenn Brunavarna Árnessýslu í Þorlákshöfn brugðust við útkallinu og slökktu eldinn en áður höfðu starfsmenn sveitarfélagsins og vegfarandi slegið verulega á eldinn með fimm slökkvitækjum. 

Einhver reykur komst þó inn í bygginguna sem slökkviliðsmenn ræstu með reykblásurum slökkviliðsins. 

Talið er að kviknað hafi í af mannavöldum en Lögreglan á Suðurlandi sér um rannsókn málsins.

1 af 2

Eldur kom upp í ruslatunnu við Ráðhús Ölfus rétt fyrir klukkan eitt í dag. Ruslatunnan stóð upp við bygginguna rétt fyrir neðan glugga þannig að talsverð hætta var á að eldur næði að læsa sér í húsið ef til þess kæmi að glerið springi vegna hita. 

Slökkviliðsmenn Brunavarna Árnessýslu í Þorlákshöfn brugðust við útkallinu og slökktu eldinn en áður höfðu starfsmenn sveitarfélagsins og vegfarandi slegið verulega á eldinn með fimm slökkvitækjum. 

Einhver reykur komst þó inn í bygginguna sem slökkviliðsmenn ræstu með reykblásurum slökkviliðsins. 

Talið er að kviknað hafi í af mannavöldum en Lögreglan á Suðurlandi sér um rannsókn málsins.

Pétur Pétursson mánudagurinn 7. janúar 2019

Bílvelta í Þrengslum í morgun 7.1.2018

Brunavarnir Árnessýslu fengu tilkynningu um bílveltu í Þrengslunum í morgun um klukkan hálf átta en mikil hálka var þá á þeim slóðum. 

Umfang slyssins var ekki að öllu leiti ljóst þar sem innhringjandi stoppaði ekki á vettvangi. 

Slökkviliðsmenn Brunavarna Árnessýslu frá Þorlákshöfn fóru á vettvang með klippibúnað auk þess sem ákveðin hópur dagvinnumanna frá slökkvistöðinni á Selfossi lögðu af stað. Auk þessa fóru tæki frá lögreglunni á Suðurlandi og tveir sjúkrabílar frá Heilbrigðisstofnun Suðurlands á vettvang. 

Einn maður reyndist hafa verið í bifreiðinni og hafði hann ekki hlotið teljandi meiðsl. Ekki þurfti að beita klippum til þess að ná honum út. 

Við viljum nota tækifærið og brýna fyrir vegfarendum mikilvægi þess að fólk stoppi og kanni málin komi það fyrst að slysavettvangi. 

Það er mjög skiljanlegt að fólk geti óttast það sem fyrir augu ber og geti mögulega efast um getu sína til þess að veita hjálp en allir geta alltaf gert eitthvað. Þó ekki sé nema að gefa greinagóða lýsingu til Neyðarlínu 112, svo hægt sé að boða rétt viðbragð í slysið. Stundum þurfa ótrúlega margar hendur að koma að einu slysi og stundum þarf mjög lítið viðbragð. Þurfi lítið viðbragð þá eru ekki eins mörg tæki send út í umferðina á forgangsakstri. Þó forgangsaksturstækjunum sé stjórnað af þrautþjálfuðum og reyndum bílstjórum getur slíkur akstur alltaf skapað ákveðna hættu sem við viljum gjarnan forðast eins og hægt er.

Vefumsjón