Pétur Pétursson miðvikudagurinn 19. desember 2018

Höfðingleg gjöf frá Ísmar 19.12.2018

1 af 2

Fyrirtækið ísmar sem sérhæfir sig í alskyns tæknibúnaði færði nýrri aðgerðastjórnstöð Almannavarna og viðbragðsaðila á Suðurlandi tvær Tetra talstöðvar að gjöf í dag. 

Vinna við uppsetningu stjórnstöðvarinnar er í fullum gangi en nokkuð á þó eftir að afla af búnaði til þess að hún nái fullri virkni. Stjórnstöðin er hins vegar virk og komin í notkun þegar á þarf að halda. 

Á meðfylgjandi mynd má sjá hvar Kjartan Þráinsson tæknilegur söluráðgjafi hjá Ísmar, afhendir Pétri Péturssyni slökkviliðsstjóra Brunavarna Árnessýslu talstöðvarnar sem án nokkurs vafa eiga eftir að koma að góðum notum við stjórnun aðgerða.

Harður árekstur tveggja bifreiða varða á Suðurlandsvegi í gær milli Biskupstungnabrautar og hringtorgsins við Toyota á Selfossi rétt fyrir klukkan fjögur í gær. 

Ökumenn voru einir í hvorri bifreið og þurftu slökkviliðsmenn Brunavarna Árnessýslu að beita klippum til þess að ná  þeim úr bifreiðunum. 

Báðir aðilar voru fluttir með sjúkrabifreiðum HSU á Landspítalann til frekari skoðunar og aðhlynningar.

Haukur Grönli fimmtudagurinn 13. desember 2018

Harður árekstur

1 af 4

Í gær varð harkalegur árekstur milli tveggja fólksbíla í Árborg. Slökkvistöð Brunavarna Árnessýslu á Selfossi var kölluð út og á vettvang fóru tíu slökkviliðsmenn með tvo dælubíla með klippubúnað og tveir minni útkallsbílar með rafmagnsklippur.

 

Brunavarnir Árnessýslu, Sjúkraflutningar Hsu og lögreglan á Suðurlandi unnu sem ein heild á vettvangi og tók mjög skamman tíma að losa ökumennina sem voru slasaðir og fastir í bílunum. Vegna áverka og eðli slysins var ákveðið að kalla út þyrlu fyrir annan hinna slösuðu.

Rafmagnsklippur eru léttari en mjög öflugar klippur sem Brunavarnir Árnessýslu hafa fjárfest í til að hafa í varðstjórabíl og minni hraðskreiðari bílum, einnig eru þær handhægari og léttari en hefðbundni klippubúnaður, sem þarf dælur. Það gerði að verkum að hægt var að beita fjórum klippum og glennum sem gerir að vinna á vettvangi við að losa þá slösuðu tekur enn minni tíma.

Farið varlega í jólaumferðinni og njótið tímans sem framundan er.

1 af 3

Slökkviliðsmenn frá Brunavörnum Árnessýslu á Selfossi voru boðaðir út rétt fyrir klukkan ellefu í gærkvöldi vegna elds í ruslagám. 

Nokkur eldur var í gámnum þegar slökkvilið mætti á staðinn en greiðlega gekk að slökkva. 

Nokkuð líklegt er talið að um íkveikju sé að ræða.

Brunavarnir Árnessýslu sendu boð á alla formenn björgunarsveita í Árnessýslu um að félagsmönnum þeirra væri boðið á slökkvitækjanámskeið hjá Brunavörnum Árnessýslu í gærkvöldi sem haldið var í Björgunarmiðstöðinni á Selfossi. 

Rúmlega 30 björgunarsveitamenn mættu á námskeiðið sem var virkilega ánægjulegt. 

Það er mat okkar hjá Brunavörnum að það sé mikilvægt að okkar öfluga björgunarsveitafólk hafi kunnáttu í notkun slökkvitækja og eldvarnateppa komi til þess að þeim þurfi að beita. Innan skamms fer í hönd flugeldasala og því mikilvægt að allir séu klári að bregðast við á þeim vettvangi sem öðrum skapist þær aðstæður að grípa þurfi inní.

Vefumsjón